Trátase dun campamento organizado por dúas cooperativas galegas no Centro de Educación Ambiental e Albergue Equal durante o mes de agosto. A idea que subxace a esta experiencia intercooperativa é a de educar en valores á mocidade a través do contacto coa natureza no marco da educación non formal.
Os datos da actividade son os seguintes:
CAMPAMENTO DE VERÁN: AVENTURA NA NATUREZA
Datas e lugar
Do domingo 9 ao sábado 15 de agosto, no Centro Equal, albergue xuvenil e centro de interpretación medioambiental. O albergue está no concello de Coles, provincia de Ourense.
Horario
A actividade comezará o domingo ás 17:00 da tarde e rematará o sábado tamén ás 17:00.
Manutención e pernocta
Está incluído no prezo o almorzo, o xantar, a merenda e a cea. A primeira comida incluída é a cea do domingo, día 9, e, a última, o xantar do sábado 15. A pernocta para os rapaces pequenos terá lugar en albergue e, para os maiores, en tenda de campaña.
Prezo
350 € por participante.
Inscricións e prazas
O límite de inscrición é o domingo, 26 de xullo.
Participantes
Rapaces e rapazas de entre 9 e 14 anos. Durante o campamento, dividiremos á rapazada en dous grupos por idade para moitas das actividades, aínda que algunhas serán conxuntas.
Seguridade e hixiene
Seguiremos as normativas e recomendacións de seguridade e hixiene marcadas polas autoridades competentes.
Actividades
- Actividades de aventura, como kaiak en río, construción de vivacs, piscina e orientación con compás.
- Ximcanas, xogos de auga, deportes alternativos, grandes xogos ambientados e veladas únicas!
- Rutas e andainas, en constante contacto coa natureza.
- Obradoiros de autoestima, autocoñecemento, igualdade e confianza, que aporten valores e fomenten un clima xeral de convivencia.
Máis información e inscricións
Na web https://aventeira.com/
Agradecemos moito a difusión da actividade.
Unha aperta grande,
Ningún comentario:
Publicar un comentario