Como xa sabes, a ANPA (Asociación de Nais e Pais de Alumnos) é o mellor e
máis eficiente organismo para representar ás familias dunha escola e para
participar activamente no seu modelo educativo e de xestión. É o xeito que
temos para tomar decisións sobre o que queremos que sexa a educación dos nosos
fill@s e que sexan vinculantes.
Grazas á ANPA, na escola temos actividades lúdicas, servizo de madrugadores
e comedor, actividades de lecer, horta e moito máis. E tamén, e sobre todo, dende
á ANPA hai nais e pais que traballan activamente e están comprometidos coa
educación. Xuntos debemos construíla. É un esforzo, como todas as
responsabilidades.
Sabemos que podemos construír unha escola marabillosa precisamente polas
dimensións da nosa pequena escola familiar, accesible, manexable, asequible.
Utilicemos ese potencial. Hai moitas formas de participación e non todas deben
ser presenciais ou constantes. Participa, porque un pouquiño de cada un será
moito para todos.
Tamén necesitamos a túa forza coa túa asistencia ás reunións da ANPA e as
túas opinións e votos para levar a cabo novas iniciativas na escola. Son a base
para facer propostas de acción á Dirección do Centro. Unha suxestión illada
para a Xerencia non reverte o mesmo efecto que o que vén co apoio de todos.
A ANPA somos todos, calquera acción dos socios invólvese en toda a escola.
Por iso, e solidariamente con todos, temos que traballar xuntos polo ben dos
nosos fill@s.
ANIMÁDEVOS.....
FORMULARIO INSCRICION
Ningún comentario:
Publicar un comentario