Publícase a documentación básica referida ao proceso de admisión de novo alumnado para o curso 2022-2023. Irase actualizando según as novas que vaian xurdindo.
Información importante familias
Nota informativa sobre sol. familias
Inform_prazo_admisión-documentos
Estimadas
familias :
Dende a ANPA Manuel Murguía estamos a organizar o CARNAVAL, para o día 25 de Febreiro, en horario de 16:00 a 18:00. É obrigatorio que os nenos veñan acompañados dun adulto e cumprir as medidas sanitarias.
Para unha boa organización necesitamos confirmación de asistencia para organizar a festa dun xeito adecuado.
ANIMADEVOS!!!
Estimadas familias,
o mércores día 16 de febreiro incorporouse ao noso centro e ata finais de curso a persoa auxiliar de conversación.
A incorporación de auxiliar de conversación é un programa complementario de apoio e colaboración de profesorado nativo para posibilitar a práctica da conversa oral, proporcionar un modelo de corrección lingüística e achegar o alumnado e profesorado á cultura do seu país. No noso caso é Canadá.
Un cordial saúdo
O equipo directivo
OS MANDADIÑOS DO MECO
Luns que pereza!
Trae o pixama para
comezar a semana.
Martes, como o ves,
se traemos unha
prenda do revés?
O mércores, que emoción,
pon un zapato
de cada cor!
O xoves xa case é
festa, vén
rechamandeiro dos
pés a testa.
O venres para gozar,
trae o disfrace
e ganas de bailar
O programa de ensinanza da Lingua Árabe e Cultura Marroquí (PLACM) está establecido ao amparo do vixente Convenio de Cooperación Cultural entro o Goberno de España e o Goberno do Reino de Marrocos.
Este programa vai dirixido ao alumnado marroquí escolarizado nos centros educativos de primaria e secundaria.
Entre os obxectivos cabe destacar fomentar a educación intercultural, a inclusión escolar e sociocultural deste alumnado no Sistema Educativo Español e na sociedade española dende unha perspectiva educativa intercultural.
No noso centro as clases comezarán o día 10 de febreiro e impartiranse os xoves de 16.00 a 18.00 horas.
Estimadas familias,
achegamos as bases para participar no concurso de Poesía de Rosalía nos adxuntos. Destinado para o alumnado de 4º, 5º e 6º de educación primaria.
Bases Concurso de PBases Concurso de Poesía de Rosalíaoesía de Rosalía
Na #BiblioGalán comezamos un novo proxecto co cal queremos que as familias, profesorado así como o resto de comunidade educativa sexan as verdadeiras e os verdadeiros protagonistas.
En Galicia temos unha enorme tradición de contos narrados ao carón da lareira nas frías noites de inverno. Pois ese espírito é o que queremos manter na nosa biblioteca e para iso, dende este curso, presentamos o proxecto Contos na lareira, co cal invitamos a calquera persoa da nosa comunidade educativa a vir a ter a palabra na nosa lareira da escola, a biblioteca escolar.
Para poder participar no proxecto, tan só hai que cubrir o seguinte formulario. Este equipo poñeráse en contacto con vós para buscar un día, hora, etc. É importante que leades con moita atención as bases do proxecto, especialmente nestes momentos nos que seguimos pendentes da evolución da crise sanitaria provocada pola Covid - 19.
Estaremos encantadas e encantados de recibirvos na nosa lareira e de escoitar os contos que tedes preparadas e preparados para todas e todos nós. Agardámosvos!
TODA A INFORMACIÓN ATOPARÉDALA NO BLOGUE DA BIBLIOTECA!
