PRAZO DE PRESENTACIÓN: 19/05/2022 - 22/06/2022
As solicitudes presentaranse preferiblemente por vía electrónica no formulario normalizado (ED330B-anexos I e II) dispoñible na aplicación fondolibros (https://www.edu.xunta.es/ fondolibros), a través da sede electrónica da Xunta de Galicia, https://sede.xunta.gal.
Opcionalmente poderán presentarse presencialmente nos centros docentes ou en rexistros.
No centro en horario de 9.30 a 11.30 horas e de 12.30 a 13.30 horas na Secretaría do centro.
( Sen cita previa e unha persoa nas oficinas)
Ligazón ao DOG coa información máis relevante destacada
DOCUMENTACIÓN PARA A PRESENTACIÓN
Þ Solicitude segundo o Anexo I
Þ Anexo II (comprobación de datos dos membros computables da unidade familiar).
Þ Copia do libro de familia ou documento equivalente onde figuren o alumno e os demais membros computables da unidade familiar. En caso de separación ou divorcio, ademais deberán achegar a sentenza xudicial de separación ou divorcio e/ou convenio regulador onde conste a custodia do menor.
Excepcionalmente, poderase acreditar o número de membros computables utilizando algún dos seguintes medios:
- Certificado ou volante de convivencia.
- Informe dos servizos sociais ou do órgano equivalente do concello onde resida a familia.
Þ Certificado de discapacidade do/da alumno/a ou de calquera membro da familia non expedido pola Administración autonómica.
Þ Documentación xustificativa da situación de violencia de xénero no ámbito familiar.
Þ Resolución xudicial de incapacitación con patria potestade prorrogada ou rehabilitada.
Þ Resolución administrativa ou xudicial acreditativa da situación de acollemento ou certificado do centro de menores, para alumnado en situación de tutela ou garda da Xunta de Galicia.
Þ Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai ou a nai ou o/a titor/a ou titores/as carezan de DNI ou NIE.
COMPROBACIÓN DE DATOS
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo no recadro correspondente do Anexo I e achegar unha copia dos documentos.
DNI ou NIE da persoa solicitante.
DNI ou NIE da persoa representante.
MARQUE O RECADRO CORRESPONDENTE NO ANEXO I PARA SINALAR AS CIRCUNSTANCIAS QUE LLE SEXA DE APLICACIÓN:
Certificado de discapacidade expedido pola Administración autonómica.
Percepción de pensión por incapacidade permanente total, absoluta ou grande invalidez ou equivalente de clase pasivas.
CONSENTIMENTO PARA A COMPROBACIÓN DE DATOS
A persoa interesada autoriza a consulta a outras administracións públicas dos seguintes datos. De non autorizar a consulta, deberá achegar o documento correspondente:
Declaración do imposto sobre a renda das persoas físicas ou certificado tributario de imputacións do exercicio 2020
Para a presentación electrónica de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e Chave365 (https://sede.xunta.gal/chave365)
Ningún comentario:
Publicar un comentario