Estimadas familias :
PEPE CAPELÁN
|
|
SOCIOS |
NON SOCIOS |
|
ENTRADA: |
DE BALDE |
5 € POR FAMILIA (a pagar na entrada) |
Lembrade respetar a
sinalización existente no aparcadoiro de vehículos
luns, 13 de febreiro de 2023
FESTA DO ENTROIDO ORGANIZADA POLA ANPA 17/02/2023
OBRADOIRO: CONSELLOS PARA UN ENTROIDO SEGURO E SEN RISCOS
Obradoiros sobre “Consellos para un entroido seguro e sen riscos” no CEIP de Galán.
O pasado luns 6 de febreiro os nenos e nenas de primeiro e segundo de primaria realizamos unha actividade proposta pola Xunta por medio do Instituto Galego do consumo que consistiu na realización de obradoiros sobre “Consellos para un entroido seguro e sen riscos”.
Entre outras cousas aprendemos como previr riscos nos nosos traxes e complementos de entroido, coñecemos o etiquetado destes produtos, e déronnos consellos moi interesantes para gozar ao máximo desta festividade.
Ademais de isto con axuda dos profes, das profes e monitores elaboramos unhas máscaras moi lucidas que poderemos empregar nesta festa popular.
Xa estamos preparados para gozar do Entroido e dos nosos traxes con seguridade e sen riscos!
martes, 7 de febreiro de 2023
AGRADECEMENTO ESPECIAL
Queremos enviarvos un agradecemento moi especial a todas as familias, á ANPA, ao alumnado e profesorado que participou na xornada de convivencia na tarde do 6 de febreiro. Unha tarde na que nos adicamos a pintar os debuxos e muros dos patios. Pasámolo moi ben! Un chocolate con churros foi o remate final da xuntanza!
Moitísimas grazas por facer posible a iniciativa!!!
Na imaxe podedes ver unha foto da actividade. Tedes máis imaxes na galería.
CONCURSO DE POESÍA ADICADO A ROSALÍA. CONCELLARÍA DE CULTURA DO CONCELLO DE ARTEIXO
SEMANA DE ROSALÍA 2023. BASES DO CERTAME DE POESÍA.
Para o alumando de 4º, 5º, e 6º.
No adxunto están as bases, desde o centro enviarase a autorización.
A PROFE LOLI E O PROFE MIGUEL VISITARON AS AULAS DO CENTRO
Os nenos e nenas do cole tiveron hoxe venres, día 3 de febreiro, unha visita especial polas aulas.
Dous pintores, a profe Loli e o profe Miguel, ensináronlles algo de pintura. Estaban encantados!
O vindeiro luns a comunidade educativa repasará os debuxos do patio con pintura.
xoves, 2 de febreiro de 2023
O RECUNCHO DE BAILE
Dende a Anpa queremos agradecer á familia de 5º que fixo posible O RECUNCHO DE BAILE no patio do colexio, facéndoo e asumindo o custo.
.jpeg)
Esta mamá chámase Fani e realiza artesanía con madeira.
Deixámosvos a súa páxina web para que os animades a votarlle un ollo:
https://www.peixeslove.com/
XORNADA DE CONVIVENCIA DA COMUNIDADE EDUCATIVA
O centro organiza unha xornada de convivencia o luns día 6 de febreiro en horario de tarde. Temos como obxectivo facer do noso cole un entorno o máis bonito e agradable posible para os nosos nenos e as nosas nenas e queremos contar con toda a comunidade educativa que queira participar con nós.
A xornada de convivencia consiste nunha xuntanza no patio do colexio e entre todos e todas decorar os patios, repasar os debuxos existentes, pintar un muro do horto, pintar o banco da amizade, restaurando as pinturas que xa están e poñendo un pouco de color nalgún dos outros muros.
A actividade desenvolverase de 16.00 a 18.30 horas, todos os nenos e nenas acompañados de pais, nais, irmáns….que queiran e poidan, poden achegarse ao centro. O alumnado estará encantado. Eles e elas mesmos foron quenes propuxeron como lles gustaría que estivese o patio.
A ANPA Manuel Murguía do noso colexio colabora nesta actividade. Actividade que ten como finalidade o achegamento do centro ás familias e as familias ao centro. Haberá un chocolate ao final da xornada.
Moitísimas grazas!